展會花絮

如果不是小女人叫到, 那傻JACK相信唔會來灣仔展會幫手收檔。

據了解, 那天個傻仔打來公司, 只問了有邊幾個同事出去做FAIR, 他好像還未弄清楚那些人在機場,那些在灣仔。

我當時身處機場, 正當在解決之際, 手機忽然響起, 心裡暗罵邊個衰客咁唔識趣呢個時候打來? 一看手機來電顯示原來係這個白痴仔。

傻jack: 你而家係邊? 我係門口五號館右手邊, 你快d拎張pass給我!!
我: 我係外面遊緊喎, 你等我十五分鐘啦，而家行返去個booth拎pass俾你, 你唔好走來走去。

於是辦好事後出來返到booth, 便帶多張pass準備俾佢. 當然我是慢條斯理不慌不忙呢, 尤得佢去等, 倒是見識下那傻jack 焦急的趣怪神態。走到那扶手電梯口, 近著五號館的, 為何不見他? 這時我的手機又響了。

我: 喂, 你係邊？ 我企左好耐囉喎。
傻jack: 我一直都係到呀, 我都唔見你既。
我: 我都唔見你喎, 我咪係電梯右邊囉。 喂, 我係電梯下面呀! （我走上電梯去）你走左上面呀?
傻jack: (終於從夢中清醒起來) 你係機場嗎?
我: 我一直都係機場. 你以為我係灣仔?
傻jack :哦，咁冇野啦，我攪錯左。

就是你個傻JACK攪錯, 害得我走出走入，騰上騰落。

我還想說：你要PASS一樣可以俾你，不過你要等囉，等我由機場出來灣仔，都要成個時晨，或者你可以食住下午茶等我既~

之後，我知道佢後來打左給友人恩，恩當時在會展，傻JACK終於找到正確目標。不過，我知恩也被此白痴仔耍得"陀陀擰"： 就是正常既都知係正門等，偏偏這奇型怪狀的人好去唔去偏偏走去後門等。如此追逐一輪他們才見到面。

*****************************
註：此傻JACK是筆者博客"奇型怪狀的人"系列中的其中一位坐上客。詳見零八年幾篇關於此傻JACK的描寫。包括:"CHEAP精再做CHEAP事"，"解構陽群罵戰"等。