K 氏力場

 

溫馨提示: 八號波已經除左啦, 大家記得準時返工啦. 

^3^

 

圖片設計: J小姐

 

 

因為太貴了

"省得一蚊得一蚊" 多年來為香港某家超市的宣傳口號. 如今也成為古惑K小女人常掛在口邊的口頭禪.  可是貴為一家公司仔, 對著不足10人的員工. 卻想盡屎橋, 實行佢地認為的慳錢方法. 或許, 員工在他們眼中是草芥, 俾得之工你, 當然可以用來耍, 也可以用來屈.  寧願豪俾個客, 也不給員工半點好處.

坐擁差不多有10個物業兼有豐厚收入租金的事頭, 仍然繼續殘民以自肥者. 對錢財非常看不開.
即使這今年生意有些不景, 即馬上啟動"慳錢最高機制" . 那怕是一盒月餅.

往年, 公司慣性中秋都贈予同事每人一盒月餅. 今年, 自這個"慳錢最高機制" 實行後, 連月餅都打算慳埋. 我對公司送月餅從不奢望或為食, 你送又得, 唔送又得, 只是想預計送禮. 現在連聞樓梯響也沒有, 已對公司送贈月餅一事打定輸數.  直到前幾天, 收到美好電子一年一度攤大手板索取月餅的電郵, 古惑K 即刻通知會計部同事馬上買兩張美心月餅券. 此時他連隨問小女人 "今年我地公司沒有訂月餅嗎?" 只見小女人: "月餅好貴, 沒有訂哦 "

答案終於揭曉, 堂堂一家公司, 那麼一年一次, 只是10盒月餅, 竟說因為貴所以沒有買 !! 果然是貫徹慳錢慳到盡.  省得一蚊得一蚊. 不過古惑K也算做了件好事, 起碼讓我知道今年沒送贈月餅了, 我也不用估估下.

之後, 我再從同事口中得知另一個VERSION: "小女人早已有給同事買月餅券".  但既然買了, 何故不派給同事呢? 是否覺得現在派券還言之尚早呢? 只見樓上樓下別的公司, 已見到有人提著一袋二袋月餅了....

拖著月餅券難度會升值嗎?  據知事人事說: "小女人之所以HOLD起D月餅券, 原來只是"打算"暫時送俾同事... ", 什麼叫做打算暫時 ?? "即係佢或會改變主意, 且留有後著方便自己把月餅券可以改送俾第二D人!! " 咁都得?? 那麼不情願不如唔好俾啦. 只是那些月餅而已, 有誰希罕呢 ? 唔好以為我地在乞取月餅呀!!  我們不是電子廠.

或我可能誤會同事講法, 所謂"小女人已給有同事送月餅", 其實只是買兩盒月餅回來, 然後一人分一只,  或買一盒回來, 索性每人分四分之一只月餅. 

奇型怪狀的公司, 什麼事情都有可能發生. 或者慳慳埋埋又可以買多幾個名牌套裝手袋. 或幾袋米,或幾包M巾. 或CLAIM數幫補家用.