十大辦公室討厭行為

1. 無論春夏秋冬季，都嫌公司冷氣凍，將冷氣調校至Fan，甚至完全關掉！令一眾同事猶如置身密室，焗到暈！ 

筆者感想:  莫說因為凍, 凍係借口, 省電省錢才為實. 呢個招數小女人就最耍家啦. 話之你係夏天, 大廳照樣關哂, 自己房就開, 你們覺得熱, 唔該自已想辦法.

2. 在洗手間「幹完大事」後，沒有沖乾淨座廁，留有點點「蘇州屎」，要下一手用家執手尾！

筆者感想: 呢樣我即時想起傻JACK.. 不止蘇州屎, 還有香氣四溢. 皆因公司洗水間沒有抽氣呢.

3. 在後樓梯吸煙！在後樓梯吸煙！在後樓梯吸煙！講三次以示憤怒！

筆者感想: 除了牛哥, 基本上這裡沒有人抽煙

4. 借用別人文具，用後沒有物歸原主，更離譜到認為該文具是自己的！

筆者感想:  又係傻JACK, 至中意隨手拎完人地文具, 用完不是據為己有, 而是不翼而飛.

5. 用完影印機沒有做好心按下Reset鍵，下手同事緊接使用時，一時忘記按此鍵，就明明想印一張，點知跟了上手設定印幾十張，仲要係A3 Size！

筆者感想: 都係發生係傻JACK多, 最興彩印, 那管是打印一張電郵.

6. 故意在其他同事面前大大聲向下屬訓話，好威咩？唔覺喎。

筆者感覺 : 不用問, 當然係紅褲子. 你做錯野? 大大聲公佈唯恐無人知道你做野.

7. 進洗手間時大大力推門，完全沒有想過入面會不會有人正想拉門離開廁所！

筆者感覺: 這一點較好, 發生在公司洗水間就唔多

8. 用影印機或打印機，一發現冇紙，即走，用第二部！換下紙會死咩？

筆者感想: 都係傻JACK最多. 很大機會佢連個TRAY係邊都唔知.

9. 下雨天在室內「晾傘」，阻塞通道；乾了又唔收，甚至擺過夜！

筆者感想: 大不了把傘子掃哂一邊, 理得邊個, 唔好阻路.

10. Last Day不派「散水餅」。

筆者感想: 司機DCUK辭工, 雖然在這裡撈了10多年, 公司也沒有FAREWELL, 又何來有散水餅 ?

心灰意冷

每天星期一上班都覺得很厭倦.... 心灰意冷什麼都不想做......
算吧, 儘管桌上如何亂, 儘管仍有一堆文件未filing, 由佢吧!

一潭死水

星期六早上從何太得知, 原來PK DUCK將要被兜, 與一眾同事談論, 大家都顯得有點既驚且喜, 不是PK DUCK被兜, 而是預告到公司行動快要埋身了。

怪不得早兩日PK DUCK 咁好死主動幫手係公司換光管。聽說他還跟公司要求自動減人工希望換取事頭回心轉意, 但公司去意已決, 他現在亡羊補牢, 就算做得幾好睇, 態度點改變, 都是無謂。 他被兜, 其實都是大家意料中事。

公司多個月來財政困難嚴重, 將何去何從? 把寫字樓分拆一半租出去, 還是搬去對面小單位.... 都成為同事之間茶餘飯後的話題。只知牛哥兩公婆主張留守原地, 古惑k及老父支持搬去對面單位。我們打工, 事頭最終如何決定就只有佢地知道, 我只在乎公司準時及俾足糧就可。 雖不排除我也步PK DUCK後塵,  但早已有心理準備。或許這一天真的來臨, 我真的會不捨得, 畢竟我在這裡工作差不多快10年。然而, 舊的不去, 新的不來。這裡已是一潭死水, 是時候借一股浪沖出大海了, 總不能半死不活的慢慢淹沒。

結局相信等待年尾才有揭曉。