入囚

從前的我到那裡去?
或我已入囚了: 平日在公司坐牢, 晚上和放假在家坐牢.
回想以前的生活多自在, 雖知自由誠可貴. 想做就去做.
可是, 許多事都身不由己. 
這是我的選擇嗎? 

意外的恩為

沒想到我還會遇到好人。

前兩天忘了帶雨傘，幸好放工時只下著微雨，當走到創紀二的１１Ｃ站頭排隊時，雨勢開始大。正想是否走入商廈裡避雨時，站在後面有一位提著雨傘的女生在問：請問這是排１Ａ嗎？我客氣示意，不，這是１１Ｃ，１Ａ在隔離呢條ＬＩＮＥ。女生沒有即時走過１Ａ排隊反而主動提出：不如我遮埋你丫。我有點不好意思，她說：不要緊，反正我都係等朋友，朋友都未來。女生給我意外的小小恩為，讓我心裡有種莫名的溫暖和感動。或許她是同情我這個忘了帶傘的孕媽吧。我很感謝她的仁心，她的關懷。

但，一樣米餐百樣人。既有那位女生的樂善好施，當然也有些尖酸刻薄之人。

上兩個星期去廣華做完飲糖水測試後，便坐２０３Ｅ巴士出九龍城飲茶。甫上車，車上乘客唔多，我選了＂優先座＂，豈料過了個站，有個老婦拉著車仔上來。老婦當時已選在司機前那一排位坐。這時我聽到後面的一對老人開始有說話講：有Ｄ人真係唔知醜點寫，咁後生學人霸住優先位賴死唔走，連個位都唔俾人！那對老人一應一和還大大聲，遺恐坐在前面的我聽唔到。我唔理佢，由得人佢自己講到夠，沒必要有任何回應。至九龍城準備下車時，我挺著大肚皮，剛好與這對老人目光接觸了，一如所料，其中那老女人帶著尖酸刻薄的眼神盯實我，我以為佢會明白原來我是個大肚婆，我也有坐優先座的權利。可是我看著她，她眼神沒有體諒。佢認為大肚有乜好坐，要都讓俾老人先啦。那一刻，心裡覺得好唔舒服。你咁多氣講是非，咁多眼力掘人，不如留返啖氣坐第二架巴士，人地唔讓位俾你，睇下你會否成為：巴士阿婆－－為了坐位而跟後生吵吵鬧鬧。

不一樣的標準電子

不知今年得罪電子廠什麼，老是跟電子廠過不去：先有羅維廣的難纏ＭＡＹ死纏難打死都要做那款織字尼龍狗帶，之後又有美好電子攪什麼防燃帶，不過點都唔夠呢家標準電子廠勁，革陽蝦記係麻煩，但人家對貨品有要求，而呢家電子廠，玩既係變態而無賴的人生攻擊。

 

都是同事說得好，呢家公司不管是香港還是國內廠員工的人格誠迅都是底於標準。與其說是電子廠，不如說裡面養那批人是庇護工場的員工。

 

先說那位張婦女，早幾年已知是麻煩極品，但那時來來去去都是做幾款產品，還未見識到原來佢係有神經失常嚴重精神病，今年總算見其真面目了。此瘋婦最叻"了交鬧，玩無賴"，久不久病發時會沒理由的像個潑婦把你罵到狗血淋頭！

 

無賴個案一：　

去年10月頭下左張單, 1300條, 之後過幾天取消, 我們便說料已訂回來了. 希望佢做埋張單, 佢最後只接受800條做. 之後500條就取消了. 我那時有叫佢白紙黑字寫來話不用hold, 會取消,. 咁佢都有寫過來. 七個月後. 忽然又話又做返此500條, 仲反口話我地有留料. 天哦, 你都話取消了我留料做什麼, 別人有單可用當然給人家用去了. 而家仲話要10天起貨俾佢.好了，唔該你俾張訂單來，佢話駛乜要俾訂單你呀，用返之前個張訂單咪得囉。ＯＫ，咁唔該你傳返那張訂單過來，白字黑字寫清楚要做返呢500條並註明貨期。三返四次叫佢再重傳來，至今一個月訂單仍音信無用。

 

 

無賴個案二：　

有次話打一條銅色繩仔的辦,  叫佢把色辦寄來或提供PANTONE色號給我, 可是佢死不唔肯寄來, 我只好跟那瘋婦在電郵回覆, 跟佢聲明電郵看彩圖對色有色差. 因佢心智又低於標準，正常人都知電腦對色一定唔準。但係佢係唔肯寄來色辦我都無辦法。我無佢付只好照做. 之後做出來寄辦俾佢, 結果當然有色差, 佢馬上REJECT我個辦，還大罵："你係咪色盲的？咁都對唔到色？好簡單咋ＷＯ！"  "我不是早就通知你嗎，電腦對色係唔準喎，呢Ｄ係常識呢，你最好合作Ｄ俾色辦我, 否則我無法跟你打辦了！"最後佢才死死地氣寄實辦來對色，但貨期同樣急。不知為何，當時給這款銅色和另一同類黑色繩仔一起報價，卻先做黑色那款，銅色估計老早也可以做吧，佢卻說暫不用。一直報價後一個月多，才忽然間要急做這銅色繩樣辦，急辦又急貨，卻又不肯合作提供實辦，拖了幾拖無左幾天，貨期卻不許遲。
 

 

無賴個案三：

不得不提就是坐安全帶，最最最叫人氣結。這一千套東西，原來早在兩個半多月前已有單，點解要係兩個月後才俾單我地呢？我地需要匆匆忙忙係兩星期內做打辦和大貨，那兩個月時間又去左邊度？不是玩野又是什麼？老早在報價單列明生產貨期批辦後３５生產，甚至後來在訂單上再加埋貨期上去，但呢間公司一樣無視，一樣要我地在佢指定時間完成，我可不是哈里波特哦，我唔識變魔術，你呢頭要貨，我不可能馬上變出來給你啊。最後瘋婦死ＬＵＲ古惑Ｋ，最終應承趕出來。明知是不合理貨期，明知是人家努力幫你趕貨，瘋婦從沒覺半點不好意思，天天總有十個八個電話打來問做點。潑婦上身罵街少不免，為了追貨出盡無所不用極的人生攻擊：如果你不是有左, 我實用粗口鬧x你／就來生第二件, 點解仲係低能白痴既／你說你既人格係咪好有問題呢？　我差不多想串返佢：你既精神病又嚴重左囉，快Ｄ去睇醫生，唔係第日你公司就見頭條：某電子廠發生血案　瘋婦發狂揮刀狂斬　死傷者血流成河。

 

無賴個案四：

又是跟這個坐位帶有關。事緣這產品上的膠件是由瘋婦公司提供，卻發現在車上膠件時，十居其七都是裂開。起初以為是我們問題，是否用針太粗，於是用幼針加上減速的車，問題同樣發生。於是我們在懷疑是否膠件來料有問題。因為以往做的來件都沒多發生膠件裂開問題。我們向瘋婦反映，當然他們不肯承認問題，茅頭一路指向我地工廠工人車線針太粗，技巧略遜一籌，後來佢地工程師通知我們改用另一款針，用於車皮革的，我們同樣照試車，可是膠件裂開問題同樣沒有改善。最後佢地知道"死餐"都無用，知自己衰，那膠件來料根本是溝了水口料，怪不得車膠件時有裂開。

 

就算是佢間大陸廠，一樣叫人覺得莫名奇妙，同樣誠迅與人格都低於正常標準。

 

其中那個姓韋，電郵追貨同樣出名無禮貌，語氣叫人看了覺得不舒服。又總愛找事情挑剔，每次送完貨總有電郵來投訴這個，投訴那個。好像客氣地叫佢把送貨單簽收蓋印，卻說佢沒有義務同你公司簽收蓋印又電郵拍照給你，又指摘送貨單唔夠一式三分，要慳紙唔通可以發達咩？！你要正本送貨單唔該你派人到我廠取回。（但我廠是發出一式三聯送貨單）。還有，來料單位與訂單不同一樣有話題講（其實只需化成所屬單位就可）。繩仔切口有少少披又話唔得要退，膠扣有些發白一樣要退，形形式式什麼都可以成為抽稱對像。真不明白，點解佢話人之前，又唔理下佢自己是否有不對？只係一律橫蠻無理的指摘，卻不檢討自己公司是如何低於正常標準。快遞送貨不力又一樣指罵，快遞單號老早告知，你自行查，查不到又來發爛渣，試過個快遞唔肯送入佢間廠, 只肯送到保安那裡, 保安又不肯收貨, 於是快遞帶走個件了. 又為此罵我唔好為左慳個幾元用D 咁CHEAP又唔合作的快遞。那不滿意的不如用你指定的快遞，但佢又不肯因為要佢付運費。說到底，是快遞CHEAP定係你間廠CHEAP呢？
 

 

今年，呢間廠突然俾多左唔少產品俾我地，相信應是佢以前的ＶＥＮＤＯＲ唔再同佢合作，所以呢Ｄ人家唔要既豬頭骨，佢就搵上門，搵人老襯。蔡仔說別開speaker好了，你個個客都是很吵耳。唔開speaker又如何平息心裡被人恥辱的不快呢？畢竟我和蔡仔工作性質不同，他未必明白，但speaker我還是照開的，要不，未到放產假前，怕我會吐血。

 

 

一潭死水

這一潭死水, 一天比一天污濁, 一天比一天惡毒,  就算沒有被直接淹死, 至少也像凌遲，慢慢一下一下刀割撕裂般痛不欲生.

老早該把這潭死水填平吧. 可是有人卻不願, 卻讓死水繼續死唔斷氣臭下去, 繼續散發毒氣.

不明白有人還要堅持什麼?  死到臨頭, 仲要硬著頭皮. 何不爽快一刀解放?  硬要虐待, 慢慢給你們放血.  那人真是變態. 應有的人性原來已被的貪婪的獸性和殘民以自肥全然淹沒得全無蹤影.

因為賺少了, 所以就要找人發洩發窮惡: 總之是否你"做錯"就乜都入你數. 總之是否你"做錯"就要你扮死狗 (全因客人永遠是對) ,  總之大陸人做錯乜, 都係入你數(因為你俾錯信息)  ......

但是賺少了, 卻仍可以開公數, 每季給自己添多幾件名牌衫, 名牌袋, 甚至一袋米, 一包m巾.
又可以開公數買幾部iphone5, ipad, 幾包尿片幾罐奶奶名牌化妝品 拎去奉承擦鞋班大陸貪官. 又可以開公數給自己製作專屬的攝影畫集. 借此又可向鄉親老友炫耀一下.....

然而, 當講到"請飲茶"便馬上變臉, 你不情願就算囉。你經常苦口苦面周街唱自己無錢，輪到俾錢時：唔好意思，公司無錢找數，大家自己ＡＡ制吧！

這潭死水究竟可以涯得多久才被蒸發完？看來，我已來不及看大結局了。