思源,. 好吃嗎?

難以取捨

老媽子年時已高, 還要照顧坐唔定的齊dee , 每日像”看牛仔”跟他鬥智伯鬥力:  他會迅雷不及掩耳的走去廚房拿水果蔬菜兜兜, 又或走去厕所馬桶洗手洗玩具. 再唔係係房裡拉開抽屜拿老父的襪子底底周處掉…..

除非齊dee睡覺覺,   否則睇少一眼,  他總有意想不到的攪作.  

其實睇住一個bb已不容易,  何況是個長者呢.  

雖感恩老媽子的幫忙, 我也不想她辛苦了,  所以年底打算辭工了.

 但何解”難以取捨”呢 ?  

呢份工廠二打不覺快12年了. 工作環境尤如一潭死水. 畢竟做左咁多年, 究竟繼續係到hea 到等收大信封 ,  定係蕭洒地揮揮衣衫袖不帶走半點雲彩?

其實心裡傾向前者, 可是現實不容許. 做人總不能這樣自私, 不能這樣冇人性.  要個老者在家被那個,豆釘勞役.  試問你於心何忍 ?

 幾經爭紮再爭紮, 考慮再考慮.  我還是選擇後者. 即係到年底, 一手接雙糧, 一手遞信  ( 但if 冇雙糧呢, 那不是賠了夫人又折兵?!, 雖以往年年有, 但這個二打六職場從沒有合同 )

我沒有牛哥team的幸運, 一個大信封即時完結彼此的勞資關係, 大家省時方便.

古惑k 那裡會讓你好過 ? 變態玩人招數只會層出不窮,.變本加勵,  無非迫你自行引退..那便可省回一筆.

事實上, 古惑k兜人機會近乎於零,  跟他周旋下去最終沒結果.  所以,. 現在就是有單就做, 冇單就hea., 準時上班,  夠鐘下班.  一直拖到年底.

 希望齊dee明年九月, 跟家姐可以一起上學.  老媽子頓時鬆哂,  閒時便可跟朋友聊天飲茶.

我也加入做半職媽媽,.  上午返工, 下午在家, 雖然人工一定差很遠了, 但起碼時間彈性,也有多自由空間

大婆小三論

從前他和大婆有過歡笑日子, 大婆給他帶來財富利潤. 也對他百般依順. 恭恭敬敬.

後來, 他和大婆共諧連理, 註冊為合法夫婦. 並搬到寬敞豪華大宅作他們的愛巢.

可是, 恩愛的日子不長久. 三兩年後,  大婆虎視眈眈丈夫豐裕的家底 ,.他倆之間開始情海翩波. 為了面子, 丈夫不敢斷言分離, 於是只好豪擲千萬 , 以物質滿足及掩飾與妻子之間裂紋.

 欲斷難斷, 他一時之間覺得迷網. 雖金錢物質他從來不缺. ,但卻買不到已失落了的溫柔.  

於是, 他回鄉找尋他想要的溫柔鄉.

 年輕純情的小三. 讓他再次重拾了久違的千依百順,   雖不是天天見面,. 但天天QQ傳情卻從未停止. 那怕是零時十分仍無斷他對小三情意綿綿的思念, 搖著手機QQ給小三夜半輕私語.

對著大婆不抽不采,  他感覺小三給他帶來尊嚴.  他給小三添了新房子, 新家具.  知情識趣的小三, 也傾盡全力服每侍這位秘密情人.

 可是大婆小三之間. 彼此已是公開秘密,  大婆對小三隻眼開隻眼閉, 小三對大婆無聲勝有聲. 大家以靜制動.  未知最後誰勝誰負?

夾在中間的丈夫, 左右做人難, 最後何去何從 ?

重回老地方.

古惑k公司今年出奇地淡靜. 訂單不用說, 就連電話亦同樣”鴉雀無聲”, 一片死寂.

就算有生意, 總是財來財去. 就算有利潤, 不外乎貢獻強國XX權貴,吃喝玩樂. 還要供養強國工廠一批工人.

是的, K總要勇敢生存, 他那打不死的精神, 總是死不斷氣,力爭上游. 為省錢,  更要想層出不究窮進賬方法

其中一個方法: 搬寫字樓 : 由南洋廣場搬返鴻運工廈

其實不是租金問題, 南洋和鴻運都是古惑K物業之一. 只是當年K在鴻運發跡後, 自覺經貴, 或看不起陳年老工廈鴻運. 所以2005年尾搬到兩樓之隔的A級商廈南洋廣場.  自此, 我們在南洋渡過9年寒暑.  這些年來, 商廈租金有價有市, 尤其是南洋, 還要是兩個打通單位, 租金超過5皮.相對鴻運是一個DOUBLE有多. 如此一來, K把南洋成功放租後. 我們就搬回去鴻運工廈.   

7月4日, 在南洋渡過最後一個晚上 , 第二天早上, 搬運公司來到把已PACK好的大大小小箱子, 搬過去鴻運.  

也許鴻運工廈是他們的發跡地, 事頭們總寄望回到老地方重拾昔日鴻運光彩. 可是, 舊夢不需記, 畢竟過去了. 風光不再矣.  就如人的命運一樣, 有起有落, 當運氣”麻麻”時, 就算搬到好地方, 也未必一樣順利.  

不知是邪還是什麼, 在PACK箱時, 分別有兩個同事, 一個屈到並發炎, 需入院住了幾天; 一個幫手拎野過鴻運(當時在裝修緊,現場塵土起揚),第二晚手腳起哂”LAN”, 紅色一達達. 相信是細菌感染.  

還有, 搬運公司把PARTION拆後, 連放3塊挨在牆壁, 突然聽到砰磞一起巨響, 原來那三塊PARTION竟忽然”訓底”, 連同上面半截玻璃門也應聲落地開花. 玻璃散滿一地, 幸好冇人受傷.

至無奈還是,  當大家以為可以開著空調拆箱搬箱 , 卻沒想到鴻運新裝的4台空調全部失靈 ! 全部人均要在30多度汗流浹背, 搬箱勞動, 在密室呼吸彼此噴出的二氧化碳. 在密室強聞自己一身的臭汗味 . 或能做到的, 就只安慰自己幻想好像做GYM吧.  當SETTLE後第二天, 幸我頂部的空調極速修理好, 才不致於在悶熱裡工作. 

舊酒新題

友人問起, 我個blog很久沒RENEW啊。

是的, 太耐太耐沒有給閒人說閑話加添新題材了。

正當閒人blog 開始"發毛"之際, 公司上月來了個新同事 T小姐,  看到她, 我又想起11年前到古惑K公司上班的最初那段日子。

同 T小姐一樣, 我都是4月24日來返工。

初來步到,  對此行業認識僅於零, 一切起頭學起。盡管已經出來工作幾年了。

  

當年我是接手林某的工作,  記得第一天上午只坐係辦房看著一個又一個的FOLDER. 下午我被抽出來, 林某之後一輪咀講做乜做物 , 彷彿講完一次就要記得明白。再問多次已顯沒耐性。 我自問資質的確遜色過人 吸收力亦差, 雖然已筆錄, 佢講完一次, 我都唔肯定記唔記得哂, 就算寫完都未必全明。 因太多新鮮的字彙.什麼"啤反帶",  "電放" …等, 都不明所以,. 尤其是電放, 用左很多時間理解才明白。 

難怪林某當年背後說:”呢條友真係好蠢, 講左都唔識”。

初來步到, 人生路不熟, 記得第二天上班時,  我有帶飯來叮. 當時走到PANTRY時, 另一同事叫PEGGY,  即時先發制人,兼語帶傲氣說:: “你唔好旨意要我地同你叮飯喎! 你自己個盒自己叮啦!”。 “我有說要你叮飯嗎? ”真想登時串返佢。及後, 跟人入去會議室一起午飯,.  吹水言談中佢又無端端話: “唉, 都係唔好講咁多, 費時俾d外人知咁多”。 講得出這番話, 我已心知自己不受歡迎。 之後我再沒有入去會議室食飯了, 以免再自討沒趣 。自問同佢都沒過工作接觸,  為何對我有這樣成見?  除了排外, 難道我是這樣討厭和樣衰嗎? 

看到 新入職的T小姐,  相信他應比我醒目,  至少他比我幸運,  有J小姐耐心講解。 但作為一個新人,  笨唔緊要, 如果不懂小心謹慎, 不懂人情世故, 不懂積極勤力, 那就是大忌了: 

例如::  會計同事之前都已經同佢講左點做, 佢都唔看清楚, 邊張票入邊個銀行, 就差一點入錯 

例如 :  沒事做總見他百無聊賴低頭看手機. 起碼自己找檔案試行學做實習. 可是卻見他攤係度, 一係勁玩手機, 一係就打瞌睡, 一係飲汽水。. 

例如:   J小姐請食散水餅, 買左一人一件PUFF(事先已問過大家都要什麼FAVOUR).  正當J小姐先拿PUFF俾事頭, 新同事已急不及待二話不說, 快過九秒九速度伸手取餅並大叫"正呀" (與"那個饑女"真有幾分似 )。

可能日子尚短吧, 來緊日子, 他除了要做出菲林,  還要學跟單,  前途無限. 在現今打工艱難的環境裡,  希望佢識得執生。俾心機啊。

當佢學熟左跟單, 相信也是我收古惑k大信封之時了。 哈哈。