座位一隅

一天伊始, 難得早返公司, 有心地把座位上的文件擺放整齊, 只是暫時性, 不久又會打回原型. 七國咁亂!

正是:好把整齊留倩影!

慳...我至慳!

在網上新聞組見到一則頗有趣的文章, 內容如下:

昨天公司發出左張電郵 , 標題為有關厠紙事宜 : "....阿事頭發現公司洗手間每日消耗多達6-7卷厠紙.認為花費太多, 遂通知大家小心用厠紙...."

電郵一出, 迅成同事間一刻"佳話"!

唔係慳家成咁丫嘛!! 我公司計埋都成10多個人. 每日用6-7 卷,有冇咁多呀, 係你搵野來講吧, 事頭!想唔到你居然諗到用厠紙來打主意! 果有創意!

你既然咁慳,不如set 個quota 仲好啦, 每日每人"配給"10隔厠紙, 超過者厠紙自備. 再唔係, cut埋d xx 蒸餾水丫, 等d人冇借口去咁多厠所, 咁咪間接又慳番d 厠紙囉! 慳水又慳紙, 一舉兩得!

我們這一代成長裡的集體回憶

主人翁阿拔一家四口是典型香港家庭的縮影。本書記述他這三十年成長裡的經歷及回憶, 也帶出香港時代的變遷, 以用輕鬆感人的圖畫文字呈現讀者眼前，讓大家捧腹大笑之餘，也能緬懷過去。 故事裡不少也成了我們這些成長在八十年代的集體回憶, 看後很有共鳴, 尤其是碌架床的歡樂天地、室內射龍門, 銀行買賣遊戲.....相信大家也曾有玩過。

阿拔現趕製"餐餐有宋家2", 我也在期待著他的新書即將出版。

詳情留意: http://hk.myblog.yahoo.com/albert-zone

GUNPLA EXPO 2007

不講不知, 原來高達公仔已有廿多年歷史, 但風采依然 。高達伴著不少男生們成長, 難度老中青三代男生 為他而瘋狂.... 不過, 我和茵妹對此機械人興趣不大, 要不是餅臉, 看來也不會特地來此一遊。老實說我不知道此機械人有何吸引力啊?

閒話七巧節

昨聽見國內同事講, 原來今日農曆七月初七,係中國第二個情人節,七巧節也. 中國人有情, 刻畫了這個有情有義的愛情故事, 大家知道是牛郎織女故事, 但知道箇中內容嗎?

相傳牛郎是一個聰明又勤勞的人，他無父無母，又被哥嫂欺負，後來哥嫂決定要分家，只將一頭老牛分給他，從始牛郎便獨自過活。至於織女，原是王母娘娘的七個外孫女中，年齡最細的一個，由於她擅於紡織，故被稱為織女。話說某一天，七位仙女下凡，一起到湖邊沐浴，被牛郎無意中看到，而牛郎的老牛兒原來是金牛星所變的，於是老牛便幫牛郎，將小仙女的衣服收藏起來，織女遺失了衣衫不能返回天庭，就成為牛郎的妻子。兩口子成婚後生下一對兒女，並一直過著幸福美滿的生活。
可惜仙凡相戀有違天規，此事被玉皇大帝發現後，下令將織女押回天庭受罰，牛郎這時急得要命，陪伴他多年的老牛忠心耿耿，並對牛郎說牠死後，用牠的皮做一對鞋，便可穿著鞋子騰雲上天去。老牛當天即時死了，牛郎就用牠的皮做了一對鞋，他穿著鞋子，挑著一對兒女上天界追尋織女，當他快要追上的時候，王母用她頭上的金簪，划出一條巨浪洶湧的銀河，牛郎與織女被銀河隔著不能相聚，唯有隔河對泣，境況淒涼。
這時，成千上萬的喜鵲，都被兩人忠貞的愛情所感動，便合力搭成一度鵲橋，讓兩人重聚，王母娘娘亦為之動容，便答允兩人在每年七月七日在鵲橋相會，七夕節便由此而生。

但願暫未有姻緣既朋友, 早日搵到個如意郎君, 有拖拍既, 就早日拉埋天窗, 兩口子長長久久!! >3~

與華姐的一席話

今天星期六, 都係番一晝, 但要趕住開單, 迫住不停直踩,不覺已到3點幾了. 當下只餘同事華姐和我, 見人少少大家便閒聊幾句. 談到他二仔"賣魚勝"年底要結婚了, 我亦替他高興. 華姐謙稱自知個仔其貌不揚, 都擔心冇女仔肯嫁佢. "你阿勝唔算得靚仔,又唔算醜樣. 男人駛乜靚仔喎,普普通通過得去就好啦. 佢有潛質呀!! 讀到書有學歷,又有專業, 仲又有份好工哩,何愁冇女仔? "我說. "咁佢都幾生性既, 個人品幾好架.... 而家我個未來新抱個樣我都覺得麻麻. 不過, 佢幾識做丫, 知我星期六要做清潔,做到成三點幾,好攰, 話今晚佢煮飯喎, 佢地兩口子下晝咪一齊落去買送囉...." 華姐越說越心甜.

華姐又云 "好似我大仔咁, 雖然冇好像老細住幾百萬既樓. 但自己有層百零萬既已心足了,有個老婆,有對仔女,有份工做. 已很好了!"

是的, 知足常樂便是富足, 世上千千萬萬, 絕不能capture哂全部, 就算俾你得到又如何, 得到一樣, 第日又會再追求第二樣野. 慾望和引誘何其多. 都是無窮無盡的.有時平凡心足何嘗不是好事?

後記: 別誤會華姐兒子阿勝不是賣魚的. 賣魚勝只是其綽號! 原來華姐早已知道我地幾個暗說他兒子樣貌xx ...不過, 最近街上巧遇他和未婚妻. 發現他面上火山坑平滑左, 果然人逢喜事精神爽.係唔同D既!

鋒回路轉

插水後又戲劇性反彈,像坐過山車一樣驚險!

古語有云：物先腐而後重生。這是自然定律。

福兮禍所倚，禍兮福所依。股災正是生機乍現之時。

日記一篇

試過被茵妹complain 過幾次, 唔明我有咁多口水講道理, 但點解又唔係blog講下今日發生d乜事.... 好啦,今次就應茵妹既要求,仿其寫blog的精采style寫篇我既網上日記! 這是12/8/2007的日期......
***************************************************************************

今日係星期日,
今朝成8:00先起身呀!
然後怱怱忙忙出門趕藍田同茵妹,餅臉一齊飲早茶,
食到10:30am
就坐mtr 出九龍灣淘大, 約左同事二人去"綠盒"唱lunch k" ( 可惜老爹不許茵妹同來唱k,可惜!)
由11:00上到1:00, 兩粒鐘我地唱了都成廿多三十隻歌, 又點了個"炸暑餅雜豆意粉", 好好味呀!
唱完之後,
就係淘大行左一陣 ( 當然沒有好像上星期天跟茵妹及餅臉狂影貼紙相啦! )
2:00左右我地係穿過德福廣場, 捨坐車而行去MEGA BOX.　
原來都係五分鐘既路程就到．
我都是第一次去咋，個度好多人好熱鬧呀！D鋪頭開到七七八八. 　地下個層仲有扭蛋展（茵妹，餅臉冇來損失了）
跟住上到其中一層food feast ,黎到一間深ｘ甜品，我叫了一客"芝麻糊豆腐花”好好食呀！
(與眾同事一起邊吃邊聊天，談天說地，好不享受！）　
之後行下那些家品中心,大得差D蕩失路!
今次MEGA BOX 都冇辦法行得哂, 大到呢, 有幾層都MISSED 左, 行到我地腳仔都軟哂.
6點幾, 我地就行返過德福二期, 來到間越南野食DINNER,
今日真好幾開心 ( 用流連忘返來形容, 差點連明天要上班都忘了!HAHA!! )
今日係咁多先,886!

***********************************************************************************

多了幾粒鐘假期

愛吃回頭草的颱風"塊布"還是想回來滿足一下HK人想掛八仔的願望,

終於期待著既八號波於今午兩點半左右正式高懸, 多得他,我地打工仔又賺了兩粒多鐘的"假期", 好過冇!

不過,D老闆又點會想D員工閃呢? 就好像我地咁, 已經開大收音機大大聲宣佈天文台已掛八號波的消息, 老細冇理由聽唔到, 但佢竟然冇反應,扮唔知喎! 冇耐, 再有同事走入老細間房, 告知八號波已掛, 可是老闆仍冇動於衷:"係咩, 哦, 八號呀, 咁點呀...", 說罷照舊低頭工作...! 真係吹啤!! 老細你雖然唔出句聲叫我地徹退, 但我地亦話之你咁多, 呢一刻你冇叫我閃, 但我地有閃的權利! 大家便齊心二話不說把腦關掉, 執拾細軟, 一個個昂然的閃!

只見街上, 人頭湧湧, 感覺暴風將至, 不免帶有既驚且喜的心情. 不過, 大家還是因風暴而享有這額外的幾粒鐘而興奮, 有些索性回家倒頭便睡, 有些去品嚐下午茶, 有些更約朋友, 戲院, K場大排長龍, 甚至有些還駕車到沙灘, 海邊觀浪...

原來風暴之下, 生活也可以這樣精采!

走進日與夜的南蓮園池

走進南蓮園池多次,彷彿進入另一個空間, 頓覺心境平和, 悠然自得。

但我更愛月夜下的南蓮園池. 那有說不出的恬靜安祥, 予繁忙的空間裡, 喘一口氣。

猜～情～尋～

人離不開情感，一個人一個故事，儼如一個情感花筒的各自各精采。

有些人喜愛一腳踏三船，卻從來不厭其煩，她愛被人追的感覺，享受被追求者圍著團團轉。
有些人從不懂得拒絕，明知自己不愛他，仍猶豫不決屈服於他的死纏難打。
有些人遇人不熟，卻被他的甜言蜜語迷醉得失去自我．甘願為他捨棄所有，甚至生命。
有些人為了傳宗接代，奉父母之命，草草的找一戶人家嫁了算數．她們根本沒有戀愛過。
有些人覺得戀愛就像轉新工，厭了自然想變，待物色獵物後，全力全攻，得手後才把舊的絕情遺棄。
有些人只是不甘寂寞，人有我有，隨便找一個算了，那有愛情的基礎？
有些人找到了最愛卻不懂珍惜眼前人，失去方知她的好。有時會否覺得愛得太遲?
有些人可以共患難，互相扶持，但為了一點金錢利益卻反目成仇。

緣來如此，情感的連繫總離不開前生因果。前生種的因，今生長的果。
我們這一生都在猜情尋的遊戲裡，有人快樂，有人憂愁......
妳們是屬於那一個？