終嘗過傳說中的世外桃原．對我而言，那裡的確名不虛傳．
如你想靈修或想尋求六根清靜，這裡真是不錯選擇，當真是遠離煩擾．這裡什麼設施商場食市外界引誘一概皆冇，有的是陣陣的浪濤聲與你作伴．椅在碧台，靜著海浪，迎著涼風．有說不出的舒服．
如有得選擇，我真想賴係神父家一個星期都願．每天早上起床到沙灘散步，中午坐船到長洲食飯和買東西，之後返回澄碧邨休下息，睇下書，上下網，或作靈修做功課，六點時就開始準備晚飯，飯後又可到樓下花園散步或睇下電視，然後洗澡睡覺...... 生活節拍放緩了，心理的煩擾壓力也隨之減少，平和的心情，有誰不想？所謂富貴榮華的追逐都來不及內心的平和及舒服．
希望下次還有機會再來，這一片讓人留連忙返的桃原勝地．
每年冬至, 很多公司都慣例讓員工提早2小時下班回家做節.
以筆者這家公司為例, 事頭是多麼不願員工提早收工. 那管是一年兩次早收2小時. 但礙於面子又要跟外面公司收早喎! .這些年來, 他們竟想到....
以小女人為例, 佢從來不會預告員工可幾點收早. 因為佢生怕一早講左, 你地班人做野就心散. 所以每次佢地永遠留係最後一刻才通知. 以往, 佢5點鐘時才跟大家宣佈 (我們是收5點半的) : "同事們, 如果你地完左手上的工作後, 就早d收工啦!" 5點鐘和5點半有什麼分別? 以為豪俾你地半小時就很偉大了? 仲要話你完成埋手上的工作喎! 咁不是等同平時收工時間嗎? 你不如唔好宣佈好過, 最後只會俾人取笑, 笑你on9.
今年做冬亦然, 但是手法做得更"低裝". 接近4點鐘, 這個小女人靜悄悄地走埋一邊, 陰聲細氣地"宣佈", 那聲線小得像說悄悄話, 還以為他自言自語. 剛好筆者隱約聽到小女人說 "大家如果完左手上的工作. 可以早回去做節啦!" 我當時還以為聽錯呢. 於是求證坐在我背後的同事mama. 我登時有衝動想串小女人" c小姐, sorry呀, 你講大聲d啦, 我地聽到唔係好清楚哦!" 我真想幫佢唱大佢, 睇佢點樣"火羅"爆! 幸好, 同事間互通風報訊, 要不那些坐得較遠,行開左或講緊電話的同事沒聽到小女人宣佈, 就真的以為沒有收早一直工作下去. 這時小女人又駛出佢至耍家的A膊本領: "我有宣佈到架,係你地聽唔到咋!"
小女人你那貓聲咁既樣的所謂"宣佈", 真服左你, 虧你做得到. 如果難於啟齒的, 那便用skype, email 通知大家囉. 如果事頭們不想員工早收的, 想駛盡員工的一分一秒的, 冇所謂, 因我地都預左, 做左快8年了, 唔通唔知你們什麼技量咩! 只是, 這樣"小家cheap精"的鬼鼠做法. 最後只淪落背後被人一片唾罵和取笑. 沒有人感謝你"大方"豪給員工那個半小時.. 我知道盡管是在這家10人不足的公司仔裡, 小女人還是計著: 每個員工時薪X1.5小時X 2日(冬至和平安夜) X 8人, 計計埋埋那豈不是公司損失成千元!? 因為他是小女人嘛, 斤斤計較就是他的專長. 他又讓我想起了一杯檸水兩個人分的故事.
我在公司裡曾經也算是個忙人吧. 想起昔日年尾/ 過年前, 起碼有二十多張單等住排隊出貨. 今年臨近歲晚, 離奇地一反常態, 整天電郵寥寥無幾, 整個星期訂單寥寥可數. 整個月份出貨得個小貓三四單….
眼看別人忙極了, 而我卻天天曬席. 只想可能未到年尾已曬乾, 餘下人乾一片, 被古惑k 輕輕地用掃把掃出街去.
只好聽天由命. 人在江湖, 身不由己. 涯得一日得一日. 在這裡已磨得一臉厚面皮.
如有幸還在, “遠瞻”來年, 估計遊遊蕩蕩機會多: “蝦記”已半數轉過去俾同事mama. “新力量” 古惑k 寧願自己做. 除左西崗那些200,300條的碎單. “革記” 松下柯達三星已消聲匿跡, 新單早已不復見. 只是間中仲有peter仔. May 和alison的單玩下.
在這家公司當小小二打六,. 固然沒有權力. 很多時只會被古惑k 玩弄股掌之間. 現在他分拆我手上的客戶. 跟”杯酒釋兵權” 不枉多樣. 史實裡, 釋了兵權後收場大家都知. 未知我又會否重演?
