芝士撈面

星期六那天到尖咀聽了個講座後, 一條友漫無目的. 不經不覺來到香檳大廈.

睇相機之餘, 肚也開始餓, 於是發現內面有叫"新記", 號稱馳名"芝士撈丁", 店外也貼不少明星曾經來訪嘗過.
筆者既愛滑溜芝士, 也愛撈面, 本著好奇, 走入一試.
看著朱頸肉芝士撈丁廣告, 教人食指大動, 但再看看menu, 價錢也讓人刮目相看.
原來, 比湯碗仲細的所謂芝士撈丁, 竟然賣37元!! 真是大開殺價. 不過既然都入左來, 唯有局住試.
當你對那碗撈丁越有寄望時, 發現出來的outcome都是失望的多.

那碗普通不過的芝士撈丁, 不過在公仔撈面上淋上芝士汁 ( 尤如芝士焗龍蝦那款), 再加上4片朱頸肉....
但又不見得有濃厚的芝士味, 食入口裡竟然是啖乏無味的, 完全沒有感到芝士應散發出來的香滑!
只教我越食越冇癮, 只好草草吃完就算. 心想, 有什麼咁吸引呢, 其實自己屋企都整到呢. 所以只有這次, 沒有下次. 算我黑仔, 當是被搵笨.

後記:
不過黑開有條路,正當差不多食完之時 , 在眼前搖晃一個熟悉的面孔. 原來竟巧遇舊同事林某和其愛人! 店裡的人不是太多, 或他已察覺了我, 當然也不會跟我打招呼, 而另找旁邊一台背著我而坐...... 我也懶理咁多, 食完就閃人.