樂不思蜀

今次終於感受到劉禪點解樂不思蜀．

正當煩惱及擔心日本仔剛放完暑假回來，煩事肯定又再倦土重來．誰不知甫回到公司不久，古惑ｋ竟叫我們準備一陣過會展喎．事緣會展攪左個潮人展．古惑ｋ就是昨天係呢個展見識過一檔做相機帶的．全是店主姐姐仔自家設計的．佢講到呢位姐姐仔的概念就是他的將來夢想．古惑ｋ於是著我們過去見識下喎．

趁班架仔仲未殺到埋身，有得出去行FAIR去玩喎．仲唔拿淋淋執野閃人？難得仲有古惑ｋ做柴可夫司機駕名車benz接送到會場．又可免費入場．可說一舉兩得．

所謂的潮人展聽聞是第一年舉行的，未到過的真以為是sell 潮人玩意．但來過後與其說是潮人玩意，不如說雜貨直銷展更貼切，展館內很多東西十分吸引價廉物美，讓人註足觀看．教人忘了原本來展會的目的．
但小女人係到，點到要做下樣先既．去到那賣相機帶姐姐仔小小的檔口扮哂野駐足細看一輪，短短十分鐘乜都睇哂．所謂的工作也看完．當然眾人心想一場來到梗不會咁快離開吧，接下來就是實際執行週圍遊遊蕩蕩執平貨．

一講到執平貨，你我都中意，尤其同行的MAMA和小女人這些師奶們聞之立時醒神．其中小女人的反應更是三百六十度轉變，快過答飛機，佢原先被叔仔古惑ｋ半推下迫出來睇FAIR, 全程在車上黑著面粒聲唔出，由得叔仔口水多過茶任UP．當來到展館眼見價廉物美的家庭用品，潛在神經思髓內"師奶激素"一擁而上，一發不可收拾，登時笑逐顏開，但又要扮經持喎，點能夠係你地班卒仔面前失禮呢？好彩佢下車之前識得車前伸手問古感ｋ取一舊水，點知古惑ｋ說:"一舊水你點夠呀，我俾足你三舊水吧", 叔仔當真幾了解小女人喎．不過又認真諷刺．

在展場內遊遊蕩蕩，我和MAMA趁機擺脫了小女人，但見每檔既吸引又有趣，價廉物美的東西．當真教人樂不思蜀．我早前想買把傘子很久了，剛好又來了展會又剛好見到款式合心水，咁既機會當然二話不說便買回來．戰利品不多，也不敢買太多，只因太張揚怕被誤會便不好了．

如果再踩埋過對面的美食展就更PERFECT了．可惜要歸途．有時想索性不如請假算了．這裡真的十分吸引．