純粹發洩

美X電子是我其中一個客戶, 全公司冇人不曉此臭名遠播的姓胡女子今天打電話來, 一聽其又串, 又橫蠻無理既語氣便覺煩躁可憎, 眉頭也自然皺起來.

果然, 好事情那會找我呢? 打來爆轟原來為了要update ROHS REPORT. 胡大姐, 同你一直做開貨既款式, 用料都冇改過丫, 駛唔駛為左一句 每年update 又重新做過? 你估做測試好平呀, 每款貨既每個組件都成HKD 1200.00, 每款有幾個組件, 計起來咁都幾係野喎! 你話你公司俾就話姐, 不過以你地D電子廠咁鬼吝嗇, 連一個分一個仙都計都盡的算死草斤斤計較既性格又點會肯付錢呢? 又唔係賺得你多, 又諸多要求, 自己唔岩又唔認衰. 一尾識得串人, 屈人. 心想你個八婆幾時消失呀~

有次, 我不過同佢為左單貨以事論事, 胡姓女子反恐嚇 : "你而家乜野態度咁我講野? 我已經BLACK LIST左你, 以後有都唔會同你落單, 有新野開發唔駛旨意會預你." 難得你識咁講, 我仲開心, 你以為我好想同你做生意 !? 你話BLACK LIST 我, 應該是我BACKLIST 番你至係! 結果第二日這很差勁的女子咪照搵我報價同落單 , 真係得個講字!