玩野之王

今天在日賊和古惑k的雙重夾擊下,涯過十分煩惱的一天.

日賊玩野眾所周知,最討厭亦是他們最流行忽然痴起條根想改呢樣改那樣,每次一時一樣.讓人十分氣結.明明po的shipping instruction係寫走船.當入倉後,竟可以無理串我:"呢款貨一向都是走飛機的,你不知道嗎?"我只知是按po裡所寫而工作,既然有改,何故不把shipping instruction sheet更正呢? 最煩係,雖已解釋多次貨已交倉,但日賊仍硬要堅持要把貨取出改入飛機倉.再者,中途忽然加插要我廠訂埋包裝物料,又要交埋去佢深圳分公司做包裝,包好由我廠取回,再由我廠返港然後入倉.雖已問多次箱嘜是否有改,日賊老是不回應,終於貨到港了,才知跟po所寫箱嘜是兩回事.結果,form a 因此改完又改.此單前後共做了3次form a, 而數量只有九百多條.

至於古惑k又升呢,添了一新外號:"玩野之王".要是玩野,無人及佢,因佢最中意"冇野搵野做".本來革記的貨來了廿多箱存於車場,他稱生怕貨被人偷走,於是著我做"苦力"把車場廿多箱貨搬到13樓去.其實是多餘,因為貨存不夠幾天便出貨.搬上後又要搬返落樓下,仲唔係搵野來攪?

他早已當我是二打六.既要接客,報價,打辦,搵料,做貨,環保規格,走貨,追數......都唔夠,而家仲要我做埋苦力托貨? 你暗示要我去搬,我也向你暗示:咁係咪搵阿duck把貨搬上樓? 以古惑見稱的他,登時明解於是連隨強調說:"我自己"搬上去啦.什麼"我自己"? 我聽後一樣無動於衷,難道我會因事頭辛苦搬貨而感不好意思嗎? 我只清楚知道:一次答應,以後次次都是你去做.理得你係女人定男人!

就像今天,同佢一齊過13樓,聽他言詞間又想要我搬,於是我轉折地說:我帶埋紙筆過去點箱數吧.結果,我只是象徵式托幾箱k牌的輕貨了事,其他都是由他搬.