搏炒,是否有效?

今天在UWANT睇到一個post,關於一樓主欲想搏"兜",現copy如下 :

標題:我要博抄
"各位上班一族大哥, 本人因想短時間內, 離開工作已達10年之久的公司, 但我老闆卻沒有炒我之意思, 各位有什麼好方法使我老闆炒我, 而我又有一筆賠償金呢, 因我想利用這筆賠償金做一些小生意丫, 唔該各位大哥"

Post左出街後,即引起其他網友回應,於是我選了幾個回覆跟大家分享:

回應一)
其實你醒你老細都唔會笨!
你專登做錯野或遲到是行唔通,因為佢整幾封警告信你,補都唔使補!
專登領你黑佢憎!等佢忍唔住要炒你,不過又係要時間!
不過如果我係老闆,我就唔會咁笨即炒啦!為了氣要補咁大筆,唔化算呀!
我會不斷比鑊個員工中,中到佢死為止!

回應二)
邊個話老細抄你，要一定要補水？
佢抄你前，事先出warning letter就搞掂晒，理由實在多的是，例如你遲到1分鐘、返工上網、衣著唔整齊等等，都可以係合理理由，做得老細，你估佢咁stupid嗎？

回應三)
樓主....真係唔work ga
如果你搞到boss唔鍾意你....
佢都可以唔炒你...
減你一半人工....cut你花紅.....
boss只會等你自己頂唔順自己走ga jar...

回應四)
你呢份工做左十年..對住老闆又有冇十年??
十年都揣摩唔到老闆係點既人??
好現實講句.. 你正佢都唔笨
如果你一向係公司表現OK ..宜家突然想博抄既行為..
你覺得身為僱主既佢真係會唔知咩?
你係好醒..想博抄拎埋人工+補償走佬..
但係你覺得公司會唔會真係咁著數可以咁樣比你走..
人係自私.. 邊個都唔想自己出多 D
你可能係成功博佢抄..
但係你有冇諗過可能佢會用某 D手法.. 好似warning letter .. 口頭警告之類..
搞到唔賠比你不得止.. 仲可以要你賠返比佢..扣你人工都得
你話有冇可能.. 呢個世界冇話冇可能.. 佢始終係老細..
可能最大咪告佢.. 你搞完一大堆野.. 可能到頭黎會虧損既都係你自己
所以呢度 D 朋友唔係唔幫你..
只係呢個世界太現實..
你醒人地都唔笨囉..
要博佢抄你容咩易.. 刻意做 D 影響公司生意.. 聲譽既野.. 得罪 D客..
但係係咪真係咁易就拎到賠償金?
我自己見得多同埋好多朋友既經驗..
你係識諗.. 計晒條數諗住拎完走佬.. 但係人地做得生意.. 一蚊都唔想比多你囉..
你可能覺得我都唔係幫緊你..
但係呢個真係好多時會出現既情況..
希望你自己三思..

回應五)
我知道方法好簡單 ga，就係令佢討厭你，無論對方曾經多欣賞你都好,只要你一唔順佢意，佢就會非常討厭你，而且效果十分快。
我的理論係︰在我們存在的這麼一個商業社會裏，我們的關係都建基於利益之上，儘管對方曾經多欣賞你都係假ga，只要畀佢發現你有不利於佢的地方，為了保護自己佢就會用盡一切力量將你趕走，就算係畀$$送你走佢都願意。
我會提供一ｄ（陽奉陰違）的方法，希望可以幫助到你！
a)時間　
佢要求你半小時就ｏｋ的工作，你要五日先畀佢，佢話你"太慢"嗎？你就話佢知係"小心"！
工作不防放慢來做之餘，亦都千萬不要帶腦返工ar ，工作時要雲遊太空，直至收工為止。
b)心
對方要令對方感覺到同你有一層隔膜(connect 唔到)。
c)態度
要令對方認同你係喺度呃人工，過得一日得一日的心態。
ps:只要你唔係因為犯法，偷竊，作出損害公司利益的行為，佢炒你，係一定要賠錢ga！