奇型怪狀的人(五)

這回論到賤人德當今期"奇型怪狀的人"系列的坐上客。

用摔跤手來形容佢該沒有異議吧,一臉兇神惡殺像要把人吃掉的,係人見到都怕左佢。的確,或佢不宜當司機,直頭係浪費,當一個xx社團大佬助理那會比例貼切。

有"奇貌",也有同樣個性,所謂相由心生,這樣才配合。自稱穿上半件黃馬褂扮大爺認真威風,再加染上百分之九十福建大男人通病,別說你地班女生,就連事頭婆都話之你,照舊同你噴粗口問候你媽媽。不過做成咁都是事頭一家攪成姐。誰叫呢家人咁中意僱用同鄉/親戚呢?

據悉,古惑k老父與賤人的老媽子是同鄉兼鄰居,k父云睇佢大,話佢人品好喎,又照顧弟妹幫佢地拎書包,佢老媽子托孤交帶k父要睇住佢,當然"打死都是福建人",k父當然義不容辭yes左佢啦,即時扢左個司機位俾佢。自己人喎,福利也會優厚過人啦~

當上半個皇親國戚,佢開始恃寵生驕。哼!你地班小兵有野要我送,我就一定要送嗎? 大爺我唔係俾你地班小兵點架。一講到當天需上國內工廠,登時露出不悅之色,一講到要入麻煩倉,登時又眉頭皺起並大發嘮叨。有野要俾大爺做,可要想過度過會否弄得大爺不方便呢,管不了這些都是公司事情。點解人地做司機,你又做司機,你做得咁衰格呢? 以往我司運輸三人組,賤人做中港,餘下兩人,一個做local司機,一個做跟車,從前生意好,賤人天天都北上裝百多箱貨回港,只是佢認為自己任務完成,於是懶理一切坐埋一邊,卻由得其餘兩人搬貨搬到死死下。因為佢從來強調自己係"司機",不包括搬貨的。

一次跟事頭外出到荃灣見客,見賤人冇野做,古惑k便點賤人叫佢駕車送我們到客人公司。回程時返抵觀塘已是五點四十五分,佢竟然先斬後奏,擅自把車駛到公眾碼頭去後才下車施施然跟古惑k說: 我返屋企的船剛到了,你自己駛返去公司啦。說畢便把車匙交給古惑k。賤人好像忘了古惑k是事頭吧? 不過,也委實的服左佢!果然賤得有種。我猜不到古惑k竟由得佢走去坐船,二話不說行去司機位開車了事。換作係別的,豈敢作此事? 寧可下班船走,也得先把事頭車返回公司。

後來公司生意不如前了,運輸三人組被迫解散。賤人好彩係因為係半個皇馬褂兼有中港司機車牌,最後犀剩佢一個,自此"他條"得托鰓沉思的生活改寫了,面臨減人工,工作量增加,於是天天都是黑面上班。寫字樓女生們要佢送貨入倉也不好受,當然少不了被他呼喝一輪。佢仲要間唔中玩下野喎,理得你係事頭丫! 就像最近佢又有佳作: 某天佢突玩失蹤,同事們於打了多次賤人手機最終找到佢,佢才自稱弄傷腳不能上班,但卻離奇稱明天可以上班。明顯地他搵錯了一個不合邏輯的籍口,誰也知道那是個天大的假話。到第二天賤人又再次自動失蹤,下落不明,古惑k小女人也懶理,吸收經驗了沒被昨天弄得倒瀉籮蟹,他們相信自家名言:呢度冇話冇左邊個係唔得既~賤人唔返,還有大把街車爭住做。後來找到車從廠把貨帶回港了,事頭們捲起衣袖落手落腳到車場分貨,弄得一身汗--或讓事頭感受司機兼搬貨是怎麼辛苦,可能是賤人罷工最終目的。玩完兩日,到第三天賤人終於浮上水面,還健步如飛呢,完全不像有腳傷。

賤人今次玩曠工公司足以出warning,甚至兜左佢,膽小的事頭從來只有不滿和啞忍,卻從不拿出勇氣出面指責,難怪公司縱容有這麼多奇型怪狀的人。