一路好走

收到珍記將要辭工的消息已經幾天,只聽樓梯響,至今天証實係堅,今天也是她的LAST DAY。

從2006起就開始跟佢交手,自言不是佢對手。從pan記的相機袋夾, 松下手帶, 三星, 柯達... 不諱言佢真係高手一名, 追貨尤其落力,公司晨早第一call不用問就是珍記。久問不覆更奮進地每十分鐘打來電話問追貨, 誓要打爛沙盤問到篤方罷休。我和古惑k都怕左佢,有時也被佢無理施壓迫得透不過來,於是大家背後暗稱佢"妖女"。可是當我們掉轉追佢貨款時, 佢又神奇且適當地變隱形消失得冇影冇蹤。

做得妖女,佢當之冇愧,對vendor 這樣,在公司亦如是。別以為佢是事頭,實際只是asst.manager,打工仔一員。不過話哂做左咁多年,唔多唔少都有些power。佢名片寫operation dept,咁即係做訂單追貨之類吧,還左聯繫貨倉,右聯繫會計,上奉承日賊經理,下有追暈供應商。還間唔中出陪阿ger出去開會,佢聲稱自己十分忙, 有段時間甚至朝八晚十二。

唔知點解拼命成咁? 到頭來攪到一身病痛, 最後更因身體問題辭工, 為了工作弄得如此, 是否值得?

贏了工作,輸了健康。幸好理智提醒及時辭工救健康,命仔最後都補住, 免得被日賊瘋狂變態攪得軀體支離破粹,心理神經錯亂。

點都好,我沒有打電話跟你說聲再見了。祝你一路好走。