憶兒時玩意(上)

近日不斷想起很多兒時玩意。
對於生於70's，長於80's的你，該不會陌生！

大頭針 + 絲帶 + 力士肥皂織個香味裝飾花籃這個很經典，當年大受歡迎。但愈做愈多個，不知放在那裡好，最後都係放進垃圾筒！

換衫公仔紙自己畫個女仔(我畫小忌廉)，再畫衫，衫的周圍平均分佈一些凸出來的u型，可以摺入去，個女仔便著住件衫架喇！

儲信紙、貼紙、書簽...乜都儲得一餐，仲要和同學交換...連旋風可樂糖的紙都有，夾在書中，整平佢.. 那可樂的味還在呢~

連香珠都要儲...好多顏色架，一粒粒鼻屎咁細的，我有個樽入住，返學校跟同學換香珠....鼻敏感都唔知係咪那時發生的!!!!!!

成條"痴"淋淋的毛毛蟲，掉上牆，佢會慢慢一下一下爬牆而下....還有發大怪獸，浸水會變大架！都是扭蛋扭返來的！

經常在文具店買填色簿，有些是星星眼女仔，先用"side pen"填邊，再用木顏色塗裡面。