乞回來之半天假期

上回講到因為返大陸工作攪到超時工作三粒鐘, 心想冇理由人人唔駛加班, 唯獨我卻要加班那麼多. 對我而言實在不公平. 只見有同事做了先例: 早上請假兩粒鐘, 便做返兩粒鐘補數. 如換作我的情況, 超時工作又可否提早下班幾粒鐘來補數?

這個問題盤在心中很久, 終於在返港的途中鼓起勇氣問古惑k. 起初都擔心因為以他的古惑為人又豈會容易放過我呢? 但係如果不爭取心又不甘, 且他下次更會更變本加勵. 於是我便以"陪老媽子覆診"為名提出第二天下午請假幾小時. 誰知道古惑k 竟然懶作大方應允我的要求. 還說: "今日你都好辛苦了做到咁夜, 補返是應該的.我聽日同brenda(豪華團)講返你請假事宜". 我也管不了他的假情假意, 總之他批準放假便算.

第二天, 他果然有打電話給豪華團說"不扣人工"的放我半天假. 雖然話明俾我放, 但覺我像乞丐正受惠他的施捨. "不扣人工"是什麼意思, 我仲有四天半大假呀!! 我駛乜要你施捨?! 我有放假的權利啊!! 你唔中意我放, 就咪扮好人大發慈悲以為你俾我放半天假就好巴閉. 我不是在你公司賣命的. 也不會伴你跟班日賊一起癲. 我受你幾多俸錄? 還要俾你耍來耍去, 去應付你一時一樣五時花六時變攪攪陣仲未夠嗎? 以前有加班費還算了. 而家什麼都沒有眼見其他同事悠悠然準時收工而我卻是濟留公司被煩得不斷長出白髮! 我有時想你係咪想迫我走呢. 點解我做親D客十居其九都係麻煩極品?

於是下午收工吃過下午茶後便到尖室去, 到那裡減減壓也許是最佳選擇. 手機也不跟身了, 只想專心的做運動不想連這應有享受的半天被煩擾.