又再攪攪陣

上星期五一早革記既神谷忽然痴起條根話要明天殺上我廠Q貨，咪玩啦，而家料都未齊，睇乜野貨呢？仲要係31號走貨5000PCS .....!! 麻煩既係古惑K竟然應承左個架仔。

我連隨急CALL萬記好彩中午前可提早取料，我還自作聰明提議古惑K既然急要不如一包料先速遞上廠那麼今晚會收到吧。誰知古惑K卻要求分成半包, 並今日之內拉上關口接貨. 我明白他擔心要是被海關扣查就死定了, 這也有道理....不過為左呢半包料我就被耍得團團轉。

跟事頭講完登時通知黃老爺到萬記貨倉取料。 下午取回到公司後便找來同事W幫忙一起趕緊把半包料轉袋再裝箱, 由黃老爺交到KT火車站給聯絡好的阮太再送到羅湖關口的小陳帶上廠。而另外那半包則同日速遞上廠。好彩最後包料都平安無事上到廠, 趕及生產。不過用速遞上的那包真係被海關扣車了.....

話說已講好明天客人上我廠...但見古惑K冇出聲, 梗要咋咋抵抵當唔知算了....望住個鐘快五點半囉, 心中正想大呼好彩可惜古惑K還是較準時間打電話通知明天要一起上廠。 唉, 逃不了。 還要約好了明天中午一點半羅湖關口等。

第二天星期六係公司做到約十二點才出門，連午飯都來不及吃只匆匆買個面包在車上吃。二點半抵廠還好在客人來之前已做好成品一些並讓他們查檢及作些測試 , 好彩結果都ok。

就這樣忙了一個下午。連交水費都沒空去，跟客戶大約五時離開廠回港了。回到家時已是七點了。