有人總愛側側膊, 咋咋帝, 因為太唔知醜. 於是練得成尺厚面皮.
即使在筆者寥寥數人的公司裡, 一樣大有人在, 眾望所歸, 非傻jack莫屬.
最近潛在傻jack體內的cheap細胞又蠢蠢欲動了
同事們忽有興緻夾錢叫pizza 外賣, 大家還商量好請埋事頭(即: 古惑k兩兄弟和小女人) , 當然傻jack是例外. 當時, 老遠還很強調 ,如果傻jack又來食, 必定會收返佢錢.
當天中午, pizza 餐送來公司了, 電視房傳來陣陣飄香. 吸引傻jack好奇走來八卦一下.
於是便問團團說: 公司叫外賣嗎? 團團說 : 不呀, 我們自己夾錢買返來食架. 或許他的cheap細胞cheap到上腦. 只見他欲言又止, 眼看美食當前, 豈可能耐, 這時, 該死的古惑k 竟叫傻jack入來一起食. 他還不發狂的馬上抓起薄餅意粉狂吞嗎? Cheap細胞讓他不會覺得”不好意思” 和”不用客氣”, 只會催化他腦裡妄想, 幻想自己 : “我也是事頭, 我來食係應份.”
以佢厚顏無恥的作風, 飲飽食醉過後, 只會拍拍囉柚走人. 明知今餐係同事們夾錢的, 還是咋咋帝扮唔知. 當然, 一如所料, 佢一定唔會夾返錢的. 甚至連問” 我俾返錢, 夾返幾多呢”? 都沒有. 反而古惑k作事頭都識做, 馬上買來10多杯”赫近帝” 雪糕給同事飯後甜品.
不過, 筆者倒是奇怪, 以老遠的強硬作風. 必會出言向傻jack追回. 誰知當大家還寄望老遠時, 她竟態度軟化 . 是否軟化有背後原因? 大家除了齊罵傻jack的cheap行外, 真的會出言向他追回飯錢嗎? 或大家都知道此cheap的舉動. 就算追, 都係多餘.
沒有留言:
張貼留言