半杯檸水?

自公司厠紙斷供事件後, 不得不佩服小女人竟有勇氣想出"兩人共飲一杯檸水, 四人共食一份公司三文治". 難道佢想以小甜甜做榜樣?

每逢展會前一個星期, 公司點都會邀請同事們飲茶或lunch buffet. 今年卻靜得出奇, 筆者在想: 事頭慳極至少都買些蛋撻請同事們食下嘛. 就在下午時段, 小女人不知從何方回來, 只見其挽了一抽兩抽的外賣. 還懶大方高呼: "有下午茶買返來給各位同事, 大家過來食啦~"

"咁好死?!" 同事們在討論."當然不會, 係for展會的". 不過既然有得食, 當然不客氣. 甫一來到餐桌前, 登時"O"咀, 原來什麼都是限量: 別說公司治, 就連熱檸水只有6杯. 當時公司剛好12人. 是否意味兩人共飲一杯檸水? 小女人的下午茶"配給"果然想得周到. 一杯檸水8元, 兩人分每人只需4元; 一盒公司治20元, 四人分每人只需5元. 即一個人下午茶費用10元有找. 虧佢想得出, 咁我寧願你買蛋撻好了, 起碼好過你咁失禮玩配給.

小女人連咁既事都做得出 , 同事們極冇癮 , 那杯檸水要唔要好呢? 當然不會兩人共飲一杯, 除了小女人和她的老公外. 結果檸水冇人取, 筆者見狀, 管不了厚面皮自行取了來喝. 不過若論厚面皮, 仲有小女人來墊底.

看來今年中秋, 就連一盒月餅都省送了, 索性拿兩個月餅回來公司, 每個切開6份, 每人食一楷就算吧.