繼截斷厠紙供應後,公司那無賴兼度縮的小女人昨天又有新屎橋呈獻:就是公告2009年農曆新年香港和大陸廠的休假和開工日子。本來年年如是平平無奇,今年卻出奇地掀起波濤,迅即同事間議論紛紛,媽聲四起。這個電郵究竟有何威力呢?
我們做廠多做到年三十才收爐,假期就放到初八初九上班,早已習以為常,一般扣大假五至六天左右。如今通知提早年廿六開始放,至年初九才上班,計埋豈非扣足七天? 還說可能仲要放多幾天喎。我們一年十天大假都冇,就咁扣扣埋埋餘下1-2天左右,有些同事假少真的扣凸,無可奈何就直扣人工。不過,最讓人氣憤莫過於無理迫我們放埋12月27日星期六半天。於是奮勇的Double J不惜做醜人代同事們在電郵反問小女人是扣半天還是一天大假。以小女人這般乍乍帝帝的扮懵，其實咪又係暗示:點會咁好死放半天假呢？有同事心有不甘，索性打電話到勞工處問個究竟，才知道原來小女人迫我們放星期六已屬違法了。條例講明需於兩星期前知會有關同事，並要得該同事之同意。咁睇小女人兩樣都唔中喎衰硬啦，咪話唔點醒佢，需唔需要我們出電郵COPY埋俾佢睇勞工處那個條文呀？嚇下佢都好呀，佢咁怕死。
連古惑ｋ一樣越來越變態，我本擬定１８號放假的，便先打電話通知他，點知他說：哦，你放還放，記得唔好識手機呀，我有事可以隨時打俾你！真係火都來!! 你咁講乜野意思？我放一天假咁多都俾說話我聽，仲要放假要接佢電話喎，做咩呀要同我談情呀?緊張我呀？佢都傻傻地。如果放無薪假一個月，睇死佢一樣照打我手機。既然打我手機，放假又有什麼意思呢？不如不放好過。
