唐沁風暴之陽群罵戰

星期六早上同綽號叫媽媽的同事一起早餐, 返到公司已經九點半, 友人即報料告知公司有人發生激戰, 所謂何事呢? 難道有人諗唔開所以持刀揮舞? 非也, 原來陽群罵戰!

歎無緣親睹該場罵戰, 只好從友人口述略知這對三十八歲女人和三十七歲男人之間無聊的衝突．
話說那個叫"群"（下稱群姑）是我司的會計，因為"陽"(下稱傻JACK")有張CHQ 彈票入唔到銀行，於天那天早上群姑便把票交還給傻JACK, 不知是否那傻仔接唔切，那張票掉在地下，那傻仔便頓失理性發窮惡起來罵人．
　
傻JACK ：這是什麼態度？你咁冇禮貌把票掉落地下就算?!仲唔執返起來？
群姑：（十分串）我幾時有掉落地下，係你自己既問題，接唔到喎！
傻JACK : 你冇攪錯呀，我明明睇到你係專登掉落地下....（開始失去理性）我去叫大事頭炒左你．
群姑：炒咪炒囉，你係大事頭咩，又唔係你出糧俾我，你憑什麼說話炒我！　
傻JACK : （據說氣得七孔生煙，可惜又唔夠群姑咁串）你地班人好野，得罪我你地冇好日子過！
　
這一幕尤如唐沁風暴，就像當時司棋姐與大公仔對罵那麼精采．陽群罵戰可真比美唐心風暴的金牌對白．不過，平常心來看，其實這不過是小誤會．何必要嚷成這般激戰？因為這場罵戰裡的兩個主人翁都是心胸狹窄之輩．何不多一事，不如少一事呢？特別那個傻JACK，以為自己係皇親國戚就大哂咁，"要大事頭炒左你"這句趣話，即時聯想到小朋友被欺負後哭著說: "你蝦我, 我話俾媽咪知...."，仲要話"你地班人得罪我冇好日子"又是句低Ｂ話，教人覺得說這話的人是否智力不足還是......! 一個三十七歲既男人居然說出如此的話，不禁教人覺得好笑．亦替他可悲.