自上次公司請食BUFFET已是四年前的事了．今年事頭竟然提出話要慶祝三八婦女節兼復活節喎，於是安排同事今天星期六中午下班齊齊到紅磡海逸都會酒店吃BUFFET,當然只限女士出席．
到抵達酒店後大家二話不說放底個袋仲唔即刻飛奔擒食？也管不了儀態，因為這個LUNCH BUFFET限時去到兩點半咋，得番個半鐘都冇，真係手慢有手慢冇！
一如所料食BUFFET最抵莫如"林阿飛"，不能不驚歎短短限時裡．狂風吹落葉般獨食六大碟及一大碗粥．仲要係碟碟擺滿食物但又迅速碟碟吃清光！不過更驚訝她食極都唔肥，就算飽極也不覺肚腩明顯的凸．有時想她可能有兩個胃．怪不得消化這樣快！最攪笑當大家食到七七八八準備離去時，呢位大胃王忽然話肚痛，同事們見其彎著腰捧著肚子衝入洗手間也知道是什事了，便識趣讓她優先入厠解決，誰知道她如釋重負後竟說：”我仲可以再食過架，最衰係冇時間啦....”真係被佢笑到吹脹！
不過我還是最喜愛酒店的甜品．那是最吸引的．但甜品也是飽肚啊，但偏偏又在吃得最飽之時，林阿飛又忽然似乎認真的說："適逢有煙花表演，如果係出面露天吃BUFFET，要再多俾兩舊水，我覺得都正常呀～那些煙花都不便宜！" 唉，笑得我差點噴飯，要不飽得辛苦我還想反問她：咁係維港兩岸觀賞的遊人豈非每人都要俾兩舊水才可看煙花乎？好野丫！如此可愛的問題都想得到，不愧是我司的DESIGNER!
沒有留言:
張貼留言