不會讓你佔便宜

儘管昨天是年假前最後一天上班，本想計劃開齊I/V,　整理文件和打掃案頭， 但古惑ｋ仍舊要攪攪陣算到盡才心安，絕不讓你鬆懈，也不會放過任喘息空間．

就是去革記一天已是兩次，早上一次，下午一次．早上去的是開會，本約好10:15AM, 卻等到11:20 AM 才開始，白白呆坐一小時想走人但又不好意思，人地俾足面，出動到社長出來對著我們訓話，左質問右質問，費幾番唇舌解釋，還好有古惑ｋ一一頂住，我來開會根本沒意思的, 我既角色只係裝成一副好專心聆聽又認真既樣，適當時候客客氣氣又點點頭笑笑口，又輪不到我開聲說話，絕對貼合一個二打六的形象．

好不容易才涯到12:20才離開革記，其時已是午飯時間，古惑ｋ話不如到日本餐廳去吧，我想你請梗係好啦，每人叫了個定食，又加左碟SUSHI共四塊，只覺古惑ｋ好怕賠本，當碟SUSHI一來，隨即瞬雷不及掩耳的起勢夾了兩舊入口．正在驚訝古惑ｋ速度之快，又再靜觀他是否會把餘下的兩件再夾走，誰知他忽然又停下來，未知是否吃得太匆匆來不及消化呢．他竟客氣的說：吃吧，幾好呀！這時我才提起筷子把夾起一塊SUSHI，只見古惑ｋ眼金金的望著那餘下的SUSHI ,我FEEL到古惑ｋ想要埋喎，要咪夾囉！誰知他說: 得番一塊你食埋佢丫．我說 : 唔駛客氣啦, 頭事.....

算吧, 冇謂再哂時間, 我亦冇打算跟你客氣了, 就讓我清左那塊東西吧!

不出所料, 眼看想吃的那塊被取走了, 古惑k 似乎心有不甘, 二話不說忽又夾起我份定食裡一片pork. 話想試下點既味道喎..... , 我冇佢咁小家. 仲大方地俾埋碟醬油放係佢面前點呢.

連一塊SUSHI都同你計較, 也不肯讓你佔便宜, 天下間所有老闆都是這樣嗎 ? 既然他恩賜你一頓幾十蚊的日本餐, 就是投資當然梗要回報啦, 點會讓你好過! 結果咪叫我下午再托件貨送去革記囉. 仲係徒手拎貨唔準打的呢!