簡單的祈求

這多年來, 睡眠一直不好。難以避免地幾乎晚晚都發夢: 有時夢見被追貨, 有時夢見漏單, 又夢見日常的無聊事, 連甚至十多年沒聯絡的同學也被夢見。在日夜勞損下, 我這個可憐的腦袋, 可說沒真正休息過, 所以第二天醒來, 還是呆呆笨笨, 反應遲緩, 甚至試過早上起來竟頭痛呢。

如今, 我只祈求一個充實簡單沒有夢境的睡眠。 只是夢境要來就來, 控制不了。 為免發夢, 難到不去睡覺? 講笑吧。反而, 想少些事情吧倒是真的, 但我知道這是很難 , 除非是生命走了盡頭 。

西岡，我對你....

西岡，我對你.....呢隻鵪鶉已出盡全力，仁至義盡。連日來已不斷趕貨，天天幾十個電話追廠，為的按期把你那個少得可憐的鳥貨寄出。但很可惜，你那鳥箱貨昨天還是來不及晚上十一時給DHL 帶走, 即使我司機已出盡九牛二虎之力了, 無奈那肆意玩野的中國海關特意又拖延過關時間。本來七點開車回港，卻要在十二點才到鴻運工廈。起初我還以你的鳥貨真的已寄出，正當以為可以放下心頭大石，誰知那個不負責任的無賴DHL到半夜十二點才打來告知我沒有見到你的鳥貨。我登得氣得七孔生煙，罵他沒用。只知心裡當時已嚇得破了膽，只好自我安慰：算吧，已盡力了，有些不是我控制之內．謀事在人，成事在天.... 。

我預左今早你一定會打電話來問, 更預左今天晨早流流給你史無前例的臭罵。果然給你足足罵了十幾分鐘。可能已有十足的心理準備，今早反而麻木了，只是感覺給你這個鵪鶉, 把我當作人肉沙包任意發洩亂咆哮！希望你可以舒服些吧。你這個可憐的日本人！

唉，下星期還有JBAT呢單鳥貨，又要插單打尖趕頭趕命。今天我已把生產辦拍照電郵給你，唔該你隻鵪鶉跟你的衰客唔好玩野丫！否則趕不到貨期自誤呀。　　

西岡,為了你

西岡, 這些年來, 為了你的細碎的訂單, 你幾乎把我弄得精神分裂, 心力交瘁, 膽顫心驚! 甚至夢中都記得你的單, 因為很怕漏了你那些麻煩要命的訂單。

無奈古惑K不介意你所謂既訂單, 咁咪接囉。 就最近來計, 加埋埋累積了十多張了。都是幾百一仟已而。 講真我真不屑做, 既複雜, 又要改來改去 , 又玩花式, 最攞命莫過於貨期又十萬火急! 我可以點? 只好搵古惑k出馬, 得罪其他同事也不理了就像學傻JACK一樣,一句唔該都冇句就插單去了... 誰叫自己責任心這樣好, 不是誇讚自己, 責任心越好, 心裡擔子就越重。

The Bucket's LIST

片名: 玩轉身前事 VCD

如何面對死亡? 有些人選擇不去想, 有些人害怕, 沒有人知道生存的另一面是甚麼, 而人一般對自己不了解的事情都會感到恐懼, 甚至憎恨。

"玩轉身前事"卻運用了幽默的手法令這個本應十分嚴肅而且悲哀的生死哲學議題, 變得輕鬆有趣, 淚中有笑。 兩個毫不相干的人, 一個身家富有但心靈空虛的百萬富翁（積尼高遜　飾）, 一個熱愛家庭但因家庭被迫放棄夢想的黑人汽車維修員（摩根費曼　飾）, 因為同樣患上絕症而在病房相遇。除了同病相憐之外, 更發現在有限日子裡原來還有自己未完的心願，有未完的大志，遂寫下了"The Bucket's LIST ", 一點一點地寫下了他們每人的心願並希望在臨終前的還許。結果都一一做到, 其中積尼高遜與女兒關係的修補，摩根費曼對老伴的不捨不棄 , 這些人與人情感真誠的維繫更是感人，就算是離世，也無憾了。

林阿真的貪嗔痴

一如其他同事所云林阿珍的厚顏無恥。 最初覺得佢只是個奇型怪狀的東西,但我今天終於感受到同事們說林阿珍的人格問題。

話說昨天大家唱完k,　由我先付款結賬。同事們即場還我唱ｋ費用, 就連早走的一位同事在第二天早上也主動付了錢,　就獨林阿珍還沒有付，於是我今天追佢數百多元很應該吧。其他同事我不擔心，除了林阿珍，因得知佢過往的找數紀錄很差。佢最叻飲飽食醉後拍拍羅柚走人，又推三推四搵借口唔還。昨天唱ｋ時說還厚著面皮說我沒有咁多現錢，明天找給你好嗎？結果今天追佢還錢，結果一樣付不出來，還好意思帶著有點串的語氣說：　

我 說 : 承惠昨天k 費 hkd 140 ！
林阿珍 說 : 係係! sorry如果唔俾, 你都唔知去邊追我haha （即係點呀？又想質質膊唔還？錢唔還仲好意思咁串講野添！）
林阿珍 說 : 先俾你$40 明天,我會記得俾你$100 因為睇醫生俾哂 （你冇病嘛，你唔識去"禁"定錢出來嗎？又是搵借口。）
我 說 : 別分開多次. 那請你明天一次性給我140 吧 。
林阿珍 說 : 謝謝你 一次性haha 。
我 說 : haha 咁你明天忘記一次過比我, 唔好玩咁大要我唔知去邊到追你呀 。

欠人地錢仲咁多野講，即使欠款也不會覺得不好意思的。 果然是厚顏無恥。
佢人格真係好有問題，貪小便宜。像之前有幾位同事都領教過的：當時他們星期六下午加班，便夾錢買了些點心當午飯（當時冇預林阿珍份兒），他們正想開餐時，坐在自己位的林阿珍忽然彈起身，望下望下佢地又坐番低，唔夠２分鐘終於忍受唔到，行出個位再"莊下"佢地食乜。但見飯香飄飄，自己五臟難忍，幾經掙扎後，走上前去，其中一個同事話: "肚餓？過來吃一些吧!" 有得食林阿珍當然唔驅，但另一位就串佢：想食，俾錢啦，每人夾十五元，呢度冇FREE LUNCH 架 。"
林阿珍即使垂涎三尺，但一聽到要俾錢，即刻卻步 。幾位同事頂佢唔順，便說："你想食就過來啦 。記得食完要付錢！"　雖然夾的只是十多元，聽說最終都沒有還款給他們。

日出而作

返工放工　幾點至夠鐘
Sick Leave要點用　開會有乜用
打卡打卡打記得打卡
日出而作　搏一搏　我架單車都變摩托

睡眼惺忪九點鐘　記得起身返工
九個鐘九個鐘每日返九個鐘
個個都要返工　返工先唔使窮　證明你有用
份糧月中已經唔夠用　
第一個鐘輕輕鬆鬆　等第二個鐘
第二個鐘去Site Visit　順便去埋Game Zone
第三個鐘打電話　打成個鐘至接通
之後嗰四個鐘勁多野做喺公司四圍中
入廁所沖吓沖吓　又釣魚中吓中吓
攞杯咖啡沖吓沖吓　沖吓沖吓沖吓沖吓
咁又沖到最尾嗰個鐘
個個睇住個鐘　個個等放工
放工去玩又驚第二朝早起又驚糧尾
返工係一個得閒死唔得閒病嘅遊戲
你老闆唔鍾意你　你唔鍾意份工
鬼叫你鍾意份人工　咁就冇嘢需要理

返工放工　幾點至夠鐘
Sick Leave要點用　開會有乜用
打卡打卡打記得打卡
打卡最型　打唔停　打少一成會雙目失明

大部份嘅老細會低估員工嘅能力
大部份嘅員工會低估老細嘅智力
大部份嘅老細會挑戰員工嘅耐力
大部份嘅員工會問同事攞零食

番工放工　幾點至夠鐘
Sick Leave要點用　開會有乜用
打卡打卡打記得打卡
日搏夜搏先發覺　最鍾意讀書返學

永遠就嚟遲到　班地鐵一定趕唔到
好彩第一個返到　老細又睇我唔到
成個朝頭早已經有鬼咁多嘢做
臨放工終於做到趴喺度
有人冇嘢忙又要扮忙
女同事化完妝又要補妝
係Pantry入面嘅Pantry黨扮開會同一個
Project講完又講
掃把話唔夠數　出嚟捉人去跑數
跑極都係唔夠數　份人工又唔啱數
最唔抵飲完酒晚起唔到身返唔到工
詐病請病假　又要付出代價
好彩呀邊個有醫生紙明碼實價　仲要做緊特價
請夠四日都唔怕
費時返到公司　好似隻死屍
放工去開P　點知要OT
打卡打卡記得打卡　
唔係O咗T有邊個知

返工放工　幾點至夠鐘
Sick Leave要點用　開會有乜用
打卡打卡打記得打卡
(喂　今晚我要早走呀　你可唔可以幫吓我手呀)

番工放工　幾點至夠鐘
Sick Leave要點用　開會有乜用
打卡打卡打記得打卡
(尋晚我都冇走　點打卡嗻)

別再發春秋大夢了

今日依例一早打去革記追數,卻忘了神谷和winnie說過今天上大陸,得悉兩人原來上廈門panasonic廠。我才想起古惑k上星期講過:革記已通知panasonic直接向我司訂單,即革記不再做中間人了。

我當時還以為古惑k 講笑而已,點知係堅!真糟糕了。登時背脊寒了一截,我此等公司仔點敢接panasonic這些超級大公司的訂單? 就是革記這些專業相機週邊產品公司,即使有3-4人專門服侍panasonic的單,不過仍難以滿足panasonic變態大公司的霸道和淹尖,尤其是規定每天要貨才攞命:看到革記當時如何死趕爛趕天天入倉把貨走飛機去夏門便知(運費當然是prepaid),又進行例行抽檢發現一萬零一條有少點不良質量的即全數退回。

單是革記已被攪到陀陀轉,何況我呢d公司仔呢? 國內廠又不肯請人,又唔俾加班,可想而知工人的賣力程度是如何。而香港呢邊根本唔會請人幫手。只有我和古惑k ,點做呀? 除非賣命給panasonic。別忘了,我還有蝦記,MCJ,胡大姐,金佳等麻煩公司要跟啊,如何做得了?

古惑k ,別再發你的春秋大夢了,要知大石壓死蟹的道理吧! 革記已是活生生人辦了,前車可鑑,難度還要硬撞?撞得粉身碎骨你才安樂過癮?