夜渡欄河再倚,北風我迎頭再遇。
動盪如這海,城在兩岸凝神對視。
霓虹伴著舞姿,當酒醉如同不知。
日後望這方,醉中一切無從掀抓住。
渡輪上,懷念你說生如戰士。
渡輪上,懷念你說生如戰士。
披戰衣,滿載清醒再次開始。
莫問豪情似痴, 今天醉倒狂笑易。
莫問豪情似痴, 今天醉倒狂笑易。
夜盡露曙光,甦醒何妨從頭開始。
2008年7月17日
氣頂
係人都知司機duck特別衰格過人, 自以為有免死金牌就覺得自己巴閉。只有事頭可以點做野, 你地班卒仔, 乜野qali呀叫佢做野！？
好似今日發生既事就係好氣頂, 事緣今早需要找他送貨, 除了我的貨外,還有其他同事貨, 點知隻衰野終日想偷懶左推右推, 一時又話自己既大車入唔到去人地既車場, 一時又搵借口話事頭冇准佢用阿年的細車,唔敢用喎。 同事阿花便同事頭婆講,呢隻衰野先迫於無奈只好死死地氣去做。我見我有貨兩箱, 是送胡大姐公司的(胡大姐係我司附近), 咪叫隻衰野順便幫我送埋, 反正你都揸開啦, 於是我帶同單據拎落去車場俾佢叫佢幫我順便啦, 點知隻衰野發悔氣咁講: 我今日好多野送呀! 唔得閒做你個d! ( 乜話,好多貨送? 只有兩三單貨咋喎，送完又攔去訓覺呀) 然後又講：早兩日同你送那廿箱貨, 幾麻煩丫我, 要我騰上騰落搬左幾次, 你知唔知我幾辛苦呀, 而家呢度兩箱野你自己送啦, 又唔係重( 係, 唔係重,兩個小箱合來只有幾公斤), 再唔係你叫華姐拎過去啦! 唔好煩我呀~ ( 大爺真係巴閉, 鐘意就送唔鐘意就話知你, 佢成日強調自己係"司機", 唔係"搬運工人" 喎)。
我都預左你隻衰野咁講架啦。 我心想, 你不如你索性番屋企仲好啦, 咁怕麻煩! 仲好笑, 阿花今日有100箱野回港, 仲同隻衰野講明天叫佢入倉。 點知隻衰野竟然同花花講: "大陸廠點做野架? 唔早d落偏偏而家先落黎, 你同大陸廠話不如星期一才回港啦" 阿花登時氣得上心口。 我很有同感。 大家心想, 幾時走貨乜由你話事咩? 你幾時變左事頭呀。short架！你隻衰野梗唔想做啦, 你想等星期一丫嘛, 阿年返來你便不用做囉! 你隻衰野，識得投胎，同傻JACK一樣，搵到老洪做後台。你地福建人梗係自己幫自己啦，打死無相干嘛！否則隻衰野同個傻JACK就唔會係呢度生存咁耐啦！難得老洪還開會同我地講：叫我地忍下司機DUCK吧! 可想而知，呢間公司既老細醒目極有限！
話說回來，待古惑K下午飄回來便跟他直說隻衰野唔送貨既事。點知佢仲好笑，竟說叫傻JACK幫我送貨喎，古惑ｋ你咪玩啦，唔該慳番啖口水少講廢話！之後又話佢自己幫我送貨, 其實佢講出呢句，就是同我暗示：你會好意思叫你事頭幫你送貨嗎？果真衰格! 睇下古惑Ｋ幾抵得同隻衰野諗丫！難怪，人地係福建同鄉丫嘛，係零捨特別團結既！
最後我都係死死地氣，自己把那兩箱貨送去胡大姐既公司．想不到既要追料，訂料，追辦，追貨，追數。而家還要淪落到做埋送貨．充份且深入發揮二打六精神！
好似今日發生既事就係好氣頂, 事緣今早需要找他送貨, 除了我的貨外,還有其他同事貨, 點知隻衰野終日想偷懶左推右推, 一時又話自己既大車入唔到去人地既車場, 一時又搵借口話事頭冇准佢用阿年的細車,唔敢用喎。 同事阿花便同事頭婆講,呢隻衰野先迫於無奈只好死死地氣去做。我見我有貨兩箱, 是送胡大姐公司的(胡大姐係我司附近), 咪叫隻衰野順便幫我送埋, 反正你都揸開啦, 於是我帶同單據拎落去車場俾佢叫佢幫我順便啦, 點知隻衰野發悔氣咁講: 我今日好多野送呀! 唔得閒做你個d! ( 乜話,好多貨送? 只有兩三單貨咋喎，送完又攔去訓覺呀) 然後又講：早兩日同你送那廿箱貨, 幾麻煩丫我, 要我騰上騰落搬左幾次, 你知唔知我幾辛苦呀, 而家呢度兩箱野你自己送啦, 又唔係重( 係, 唔係重,兩個小箱合來只有幾公斤), 再唔係你叫華姐拎過去啦! 唔好煩我呀~ ( 大爺真係巴閉, 鐘意就送唔鐘意就話知你, 佢成日強調自己係"司機", 唔係"搬運工人" 喎)。
我都預左你隻衰野咁講架啦。 我心想, 你不如你索性番屋企仲好啦, 咁怕麻煩! 仲好笑, 阿花今日有100箱野回港, 仲同隻衰野講明天叫佢入倉。 點知隻衰野竟然同花花講: "大陸廠點做野架? 唔早d落偏偏而家先落黎, 你同大陸廠話不如星期一才回港啦" 阿花登時氣得上心口。 我很有同感。 大家心想, 幾時走貨乜由你話事咩? 你幾時變左事頭呀。short架！你隻衰野梗唔想做啦, 你想等星期一丫嘛, 阿年返來你便不用做囉! 你隻衰野，識得投胎，同傻JACK一樣，搵到老洪做後台。你地福建人梗係自己幫自己啦，打死無相干嘛！否則隻衰野同個傻JACK就唔會係呢度生存咁耐啦！難得老洪還開會同我地講：叫我地忍下司機DUCK吧! 可想而知，呢間公司既老細醒目極有限！
話說回來，待古惑K下午飄回來便跟他直說隻衰野唔送貨既事。點知佢仲好笑，竟說叫傻JACK幫我送貨喎，古惑ｋ你咪玩啦，唔該慳番啖口水少講廢話！之後又話佢自己幫我送貨, 其實佢講出呢句，就是同我暗示：你會好意思叫你事頭幫你送貨嗎？果真衰格! 睇下古惑Ｋ幾抵得同隻衰野諗丫！難怪，人地係福建同鄉丫嘛，係零捨特別團結既！
最後我都係死死地氣，自己把那兩箱貨送去胡大姐既公司．想不到既要追料，訂料，追辦，追貨，追數。而家還要淪落到做埋送貨．充份且深入發揮二打六精神！
2008年7月14日
馬灣走一回
"貴人招風雨"? 未必, 世事無絕對。 要不上週末馬灣之行便不能出奇地成行, 路上還遇上微和的陽光, 片片白雲透出一點晴空。我可不貴人, 貴人是同行的友伴, 多謝好人們。
這是我第一次到馬灣，我們選擇在青山機鐵站乘往馬灣的接駁巴士前行。馬灣儼如一個環保小島, 汽車出入都有管制。 我們仨在馬灣總站下車後, 便朝向碼頭那邊起行, 經過那個水不太清沙不太幼的小灘漫步，沿途只見幾個弄潮兒玩水而已。望前不遠即見汀九橋和青馬大橋，如此近距離, 還是第一次。
我們第一站去, 亦是此行程目標--馬灣公園。她是成立在2007年頭, 依小山丘而建, 拾木級上, 茂密樹蔭予遊人乘涼, 伴著七色小河淙淙流水聲, 想不到在城市裡還有如此寧靜自然的一角。上到山丘上, 有個觀鳥庭, 雖一隻鳥都見不到, 卻飽覽了近至山下荒廢漁村, 遠至深井荃灣一帶景致。行至蝶園, 無意間發現一彩斑爛的蝴蝶, 其間一位友人為捕捉蝶影, 左撲加撲, 不知者還以為她想重演梁祝傳奇在花間撲蝶呢，相信她很享受撲蝶樂趣吧。
遊畢馬灣公園已是六點，太陽未下山，於是我們在馬灣新村行了一圈：那是一排排三層高平房，據說是因興建屋苑而把馬灣村原來居民遷調來的，一條馬路之隔便是那屋苑（珀麗灣）。我們當晚便在馬灣碼頭附近吃了頓豐富的晚飯，對著海邊夜景青馬大橋用膳，別是一番情調。
待公園裡的挪亞方舟建成後（明年初），希望再來一趟。
** 相片已UPLOAD至 FLICKR
這是我第一次到馬灣，我們選擇在青山機鐵站乘往馬灣的接駁巴士前行。馬灣儼如一個環保小島, 汽車出入都有管制。 我們仨在馬灣總站下車後, 便朝向碼頭那邊起行, 經過那個水不太清沙不太幼的小灘漫步，沿途只見幾個弄潮兒玩水而已。望前不遠即見汀九橋和青馬大橋，如此近距離, 還是第一次。
我們第一站去, 亦是此行程目標--馬灣公園。她是成立在2007年頭, 依小山丘而建, 拾木級上, 茂密樹蔭予遊人乘涼, 伴著七色小河淙淙流水聲, 想不到在城市裡還有如此寧靜自然的一角。上到山丘上, 有個觀鳥庭, 雖一隻鳥都見不到, 卻飽覽了近至山下荒廢漁村, 遠至深井荃灣一帶景致。行至蝶園, 無意間發現一彩斑爛的蝴蝶, 其間一位友人為捕捉蝶影, 左撲加撲, 不知者還以為她想重演梁祝傳奇在花間撲蝶呢，相信她很享受撲蝶樂趣吧。
遊畢馬灣公園已是六點，太陽未下山，於是我們在馬灣新村行了一圈：那是一排排三層高平房，據說是因興建屋苑而把馬灣村原來居民遷調來的，一條馬路之隔便是那屋苑（珀麗灣）。我們當晚便在馬灣碼頭附近吃了頓豐富的晚飯，對著海邊夜景青馬大橋用膳，別是一番情調。
待公園裡的挪亞方舟建成後（明年初），希望再來一趟。
** 相片已UPLOAD至 FLICKR
2008年7月5日
難忘的妳
看她吃得多麼津津有味。 還以為相中的她個人獨食兩盒定食加埋碗拉麵！ 昨天是林阿珍的LAST DAY,上星期尾我們幾個同事五人夾份請她LUNCH。她果然識食，居然提出話要去食日本料理, 既然臨別秋波，又是一場同事，也無謂再計較前事了，大家一起"豪"給她。我們幾個於是到公司對面好地方的日本料理去。
我們公司有個慣例，要是有同事辭工，會請同事食下午茶／西餅的。林阿珍當然不例外，佢都算識做。我還講笑的跟她說：到時你請我食CHEESE CAKE喎。想不到她記得哦，買西餅時真係買了件CHEESE CAKE特別留給我呢！登時有點感動。原來她這樣有心的。
林阿珍係我司工作年半有多了，要不因為貪食而出洋相，其實份人都冇乜點，工作也很賣力。她離開了，相信我們又少了另一種歡樂。
希望她在新公司裡，有好開始，可以準時上班（幾有難度：由上水返上環)，而且在新工作上可以發揮自己的創作才能！
訂閱：
文章 (Atom)